Vi har nå sidan starten på 2025 lagt inn skjemainformasjon for dei siste generasjonane i Raumabasen. Denne informasjonen blir kopla til informasjon som ligg i basen frå etter autolenkingprosessen som var fullført i 2024. Den gjekk slik som forklart i den gamle bloggen.
Som forklart tidlegare, viser «treet» i basen alle bustader der det har budd folk så langt bakover i tid vi har kjelder som koplar saman personar (familiegrupper) og stader. I dette inlegget ser vi korleis basen for ein gard såg ut etter autolenkinga. Over streken står bustader vi har frå matrikkelen 1886. Dei var det ikkje kopla familiegrupper til før innregistreringa av skjema starta. Det er markert med grå pil. Under streken ligg altså familiegrupper som er kopla til gardsnamnet på eit eller anna vis, men utan at vi er sikker på kva for bruk / bustad dei hadde som hovud-heim.
For å «rydde» i dette må dei kjeldene som ikkje er lagt inn i databasen kontrollerast: der panteregister og -bøker er dei viktigaste.
I prosessen med registrering av informasjon frå dei innsamla person- og bustadskjemma blir det så oppretta a) reelle bustader med grunnboksnummer og adresse, og b) personar i form av familiegrupper blir oppretta samla. Det blir da i tilnærma same form som i den ferdige bygdeboka.
Informasjonen om kvar person blir lagt i eit slikt skjema:
Så koplar ein til andre personar til den første i prinsippet slik det er forklart i den gamle bloggen – og plasserer familiegruppene på rett bustad, og det er slike som enten står «over steken» frå før (altså er gamle bruk frå matrikkelen 1886) eller er nyoppretta bustader.
Her er det viktig at eldre personar som er nemnt på skjema, i alle fall viss dei er født før 1930, i prosessen blir sjekka om det ligg hendingar eller oppretta personar om dei i basen frå før. Er det ein person, blir tilleggsinformasjon lagt til. Er det ei eller fleire hendingar utan at personen er oppretta, kan det i alle fall vere dåp, konfirmasjon eller vigsel-hending(ar). Da tek vi utgangspunkt i hendingar som finst, opprettar ein «ny person» frå desse og legg inn vitale data i tillegg. Med desse operasjonane blir personar frå skjemaet kopla til slektsinformasjonen i databasen bakover.
Etter skjemaregistreringa er gjort for ein gard, her Grøvdal, ser stadvinduet slik ut:
For Grøvdal låg bruksnr. 1-8 inne frå matrikkelen 1886 med grå pilar over streken før skjemarbeidet starta. Nå ser vi at det er lagt til familiar på dei fleste bruka, og at det er kome til nye: nr 9-11. der også vegnamna og adressene er lagt til.
Som vi ser er det ikkje funne nokon kopla til bruksnr 2 eller 8 i prosessen. Men dei ligg «under streken» etter autolenkinga, og det er i den ryddinga som etter kvart skal starte at dei skal flyttast på plass. Det er ofte rimeleg enkelt og kan gå raskt.
Arbeidet med å registrere skjema har hittil vore gjort av oss i forlaget mot godtgjering. Frå februar i år prøver vi å få gjort det same på dugnad i historielaget.